دارمیّات سر الحیاة
ابجنحانک انت اتطیر بالک تذمهن
بالفرح و الشدّات مذکور اسمهن
...
الیحضرنب بالشدّات من حقّه اواسیه
والبیه محنّه او طیب بعیونی اخلّیه
...
اکل قهر کل یوم والبیّه بیّه
ضیمی الکبر بربای یزعل علیّه
...
گالوا حبیبک وین ما یسئل اعلیک
گلت الوکت دوّار ما گلّی ناسیک
...
گالوا حبیبک وین هم شفته هم جاک
هم باتّصال اویاک هم یذکر ارباک
...
گلت الهم ای کل یوم وایمر علیّه
ما خلی شامت عود یتهنّه بیّه
...
قاهرنی ما ذلّیت آه یا زمانی
یتعلّی یم النّاس من عذّبانی
...
عدوانی چیس اچعاب والضرنی سفّاح
هوه الیعذب النّاس من ضیمه یرتاح؟
...
لا واللّه ما یرتاح الیعذب الاحباب
دوم الدهر مجروح او من ضیمه ما طاب
...
خلق اللّه آیه احسین بالک تذلهه
بالاخره او مکتوب من توصل الهه
...
من متت لو مطلوب بیش انتوفّیه
باعمالک الطیبات لازم ترضّیه
...
العدّه عیله الیوم یتعدّه الاجبال
والسامح المطیور لا حمله ما مال
...
والما نساک اهواک ریتک تحس بیه
نرجع علی المحبوب وانسلّم اعلیه
...
وینک یبعد الروح see you how are you
ما تنشد اعلی اهواک لتگلّی no no
...
حیرانه روحی اعلیک وانت ابّطن جود
حارستک الشمّات او حطّت لک احدود
...
اجیتک تسلّی الروح بس دربی مسدود
تانینک او ما جیت بس ردتک اتعود
...
احس تقهر الشمّات من توگف اویای
هیل او عطر ریحان واشتمّک احذای
...
گلبک عزیز اهوای تاه او لگیته
طبعک ذهب والماس بس غیّریته
...
تایه و ادور اعلیک ما شفتک اسنین
تتّصل و افتهمیت تاخذ عناوین
...
حرگیته گلبی او جای تتسلّه بیّه
لعنه اعلی گلبک گول ما حن علیّه
...
گلبک ظلمنی او عاد مدسوس احس بیه
ما ذکر بالشدّات من چنت اداویه
...
وینک گصیت اویای مندوم احس بیک
عندی عتب ویّاک واشلون احاچیک
...
ما خفت ما حنّیت و اتگصص احشای
صایر شمر طلعیت زینیتک اویای
...
اصبر و اصبر اعضای واحترمک الجار
لجلک و اطّفی النار و اتحمّل العار
...
التاهو او میحسّون خلینه عنهم
تربیت اهلهم هیچ حامض لبنهم
...
الخانانی ما ناسیه بس گلبی مجروح
اهل الوفه بالدار و اتسلّی بالروح
...
اصلک دغش واتجول ضد المساکین
دم الاصیل ایفور فک الشرایین
...
دار الزمان اویای ضم حقده بربای
الچنت انا اعلّم بیه دگ رمحه بچلای
...
ادری الجرح ما طاب ینشف واداویه
و الضرنی ما ناسیه مریود امر بیه
...
حط لک خلگ وارتاح یا گلبی اشافیک
ابمرهم و اضمد اجروح تحتاج اداویک
...
شفتک نذل طلعیت ما همّک ابچای
ارجع علی البیه هیل و ایعطّر احشای
...
همنی الی خان الزاد ما همنی تعبیت
کون الصدیق ایصیر صاحب وفه او صیت
...
درب السعاده انواع دوّر سبلهه
اتعلّم تأدب اطفال تفخر بهلهه
...
اتواعد انا اویاک تاکل طبختک
یأتی الزمن دوّار و اتعیرک اختک
...
ابکتر امّه لابد لیش من حشّمیته
ادوّر علی البیه ذات خائن لگیته
...
کافی العتب یا روح بس لا تعتبین
الچانوا احباب اویاچ کلهم مذنبین
...
جاسم ثعلبی (الحسّانی) 04/03/1400
:: برچسب‌ها:
دارمیّات سر الحیاة ,
:: بازدید از این مطلب : 1000
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
